Federación de cajas de Ahorros Vasco-Navarras

C.7 MINTEGI- Ongizate Estatua bidegurutzean: Erronka berriak krisi globalari aurre egiteko (S)

Zuzendariak:

Pedro Martínez de Alegría Pinedo Jn. - Idazkari orokor teknikoa. Hego Euskal Herriko Aurrezki Kutxen Federazioa. Gasteiz.
Rafael Aranguren Ilardia Jn. - Proiektu burua. Hego Euskal Herriko Aurrezki Kutxen Federazioa. Gasteiz.

Helburuak

Mundu mailako hazkunde ekonomikoaren azken zikloak, eta horren amaieran agertu den krisi ekonomiko eta finantzarioak, herrialde guztiei eta nazioarteko komunitateari orokorrean erasan dieten desoreka sozial eta ekonomikoen sail bat jarri dute agerian.

Ongizatearen Estatua bezala ezagutzen diren instituzio eta mekanismoak praktikara eramaten dituzten herrialdeak, europarrak eta garatuak horietako gehientsuenak, ez dira hazkunde ekonomikoko ziklo horren eta ondoriozko krisiaren eraginetatik aparte ibili. Baina, horrez gain, ondorio horiek isla berezia daukate Ongizate Estatuaren aipatutako instituzio eta mekanismoetan batik bat: bere prestazioak eskatzen dituzten gizabanakoen kopuruak gora egiten duelako, batetik; kontuan hartuak izatea eta asetzea eskatzen duten premia eta beharrizan berriak agertzen direlako, bestetik; eta krisi ekonomiko eta finantzarioaren ondorioei eutsi eta horiek arintzen saiatzeko Estatuen zorpetze-mailak gora egitearen eta ekonomia moteltzearen ondorioz ager daitezkeen finantzaketa-zailtasunak direla medio, azkenik.

Krisi globalaren ondorioz azkenean gertatu den egoerak baditu, aurrekoez gain, hazkunde ekonomikoko zikloa bitartean indarra eta forma hartuz joan ziren beste osagai eta egoera batzuk ere, eta horiei begira egitura-mailako aldaketa garrantzitsuak gerta daitezkeela pentsa daiteke, epe ez hain urrunean, maila orokorrean, eta arlo ekonomikoan bezala baita eremu politikoan ere.

Horren guztiaren ondorioz zalantza-gune handi bat zabaldu da Ongizate Estatuaren inguruan: oraindik ere pragmatikoki bideragarria izaten jarraitzen al du Ongizate Estatuaren praxiak? Gaur egungo baldintza berrien aurrean posible ote da aldatzea, edo egoera berrira egokitzea? Edo, aitzitik, aurrerantzean ere erakundeentzat nahiz herritarrentzat inolako arazorik edo arriskurik gabe garatzen jarrai dezakeela ulertu behar ote dugu ?

Hego Euskal Herriko Aurrezki Kutxen Federazioaren lankidetzarekin.

Matrikularen prezioa: maiatzaren 31 arte, 70 €. Ekainaren 1etik aurrera: 84 €.
Balio akademikoa: 30 ordu.
Hizkuntza ofiziala: gaztelania.
Jarduera europarra.