Federación de cajas de Ahorros Vasco-Navarras

Kointura txostena, Kontsumitzailearen Konfiantza-Indizearen berri ematen duena, gaur egungo egoerari eta datozen perspektibei buruz.
Federazioak, 1983ez geroztik lauhilabetero kalkultzen du Kontsumitzailearen Konfiantza-Indizea, inkesta telefoniko bitartez eta Espania eta Europan egiten den antzera.

Zorpetutako kontsumitzaileen proportzioa (% 29,7) % 35eko atalasetik behera jaitsi da 2011n, aurreneko aldiz hainbat urtetan, eta horrekin euskal etxeetatik herenak ere ez dauka maileguren bat indarrean. Lau euskal kontsumitzailetatik bat (% 25,2 zehazkiago esateko), hipoteka-kreditu baten titularra da, azken hiru urteotan izandako batez bestekoa baino bost puntu portzentual baxuagoa den proportzioa, hain zuzen ere. Eta beste mailegu-mota batzuen titularren proportzioa (% 7,4koa) ia bere horretan mantentzen dela esan genezake, aurreko bi urteetako zifrekin alderatuz gero.

Euskal kontsumitzaileen konfiantza-indizeak balioa errepikatu egin du (74) 2011ko laugarren hiruhilekoan eta aurreko hiruhilekoetan izandako balorazio positiboagoetatik aski urrun sendotzen da. Indizearen balioa 2008 eta 2009ko hirugarren hiruhilekoen artean lortutakoaren antzekoa da; baina, hura ez bezala, emaitza lauagoetan oinarritzen da eta horrela binaka alderatuz gero, lau indizeak elkarrengandik hurbilago daude eta, beraz, ez dago kontsumitzaileek ikuspegi baikor edo optimista erakusten duten alderdi bakar bat ere.

Euskal kontsumitzaileek pentsioaren inguruan duten pertzepzioa eta kezka apenas aldatu den azken urteotan: lau euskal kontsumitzailetik hiruk (% 72,7k) uste dute jasoko duten pentsioa ez dela aski izango. Eta aurrekoaren ondorioz, hamarretik zazpi dira ia (% 69,1) aurreikuspen-plan bat edo pentsio-plan bat edukitzea beharrezkotzat jotzen duten euskal kontsumitzaileak.

Egindako ekarpenen zenbatekoari dagokionez, ekarpenen bat egin duten lau kontsumitzailetatik hiruren kasuan (% 75,3) 600 eurorainoko tartearen beheko aldean kokatzen da ekarpena. Urte osoan aurreikuspen-planetara edo pentsio-planetara egin beharreko batez besteko ekarpenaren inguruko estimazioek, berriz, 725 euro inguruan kokatzen dute zenbateko hori, eta murrizketa -% 2,5ekoa izan da iazkoarekin alderatuz.

2011ko hirugarren hiruhilekoan euskal kontsumitzaileen konfiantza-indizeak atzera egin du (-7) bigarren hiruhilekoz jarraian, 74 puntuko balioa erakutsiz, aurreko zazpi hiruhilekoetan izandako 80-90eko gorabehera-tartetik urrunduz eta 2008ko bigarren seihilekoan edo 2009. urte ia osoan izandako antzeko mailetan kokatuz. Testuinguru horretan etxeen kontsumoak bere ahuldade-maila horretan jarraituko duela pentsa daiteke datozen hiletan ere, inbertsio handien zifretan aparteko errekuperazio edo susperraldirik gabe, eta urtea ixteko unean urte arteko tasak nabarmen negatiboak izango direla.

Euskal kontsumitzaileen % 47,7ak (-9 pp) aurreztu egin duela dio azkeneko urtean. Eta aurreztea lortu dutela dioten kontsumitzaileak errenta-segmentu guztietan behera egin duten arren, murrizketa hori hileko errentarik altuenen segmentuan nabarmendu da batez ere (% 14,7, -9,4 pp). Azken urteotako emaitzarik baxuena izan da, aurrezkiak EAEn daraman beheranzko joera berrestera datorrena.

2011ko bigarren hiruhilekoan uzkurdura nabarmena izan ondoren (-10), euskal kontsumitzaileen konfiantzak 81 puntuko maila erakusten du. Eta azken hiru urte eta erdiko perspektibatik aztertuz gero, horrek 80 eta 90 puntu bitarteko gorabehera-tartean kokatzen du indizea, krisiaren aurreko zazpi urteetan zegoen maila baino hamar bat puntu beherago hain zuzen ere.

Euskal kontsumitzaileen konfiantzak hobera egin du (91, +2), orain bi urte erabat pesimistak ziren balio negatibo haietatik urrun finkatuz. Baina hobekuntza horren barruan hortxe diraute, oraindik, ekonomia orokorraren eta langabeziaren etorkizunari eta krisiak beren ekonomietan izandako eraginari buruzko kezka adierazten duten osagaiak.

Euskal kontsumitzaileen artean hirutik bat baino zertxobait gehiago (% 35,9) da hipoteka-maileguen edo bestelako kreditu-mota baten titularra. Proportzio orokorra nahiko egonkor mantendu da azkeneko urteotan, baina zorpetze hipotekarioak pixkanaka gora egin duela ikus daitekeen bitartean (% 32,5ekoa izan da 2010ean), beste mailegu batzuengatiko zorpetzeak behera egin du aldi berean (% 7,1ekoa izan da 2010ean).

Euskal kontsumitzaileen konfiantza 89 puntutan kokatu da 2010eko laugarren hiruhilekoan, eta horrek hobekuntza dakar aurreko hiruhilekoarekin alderatuz gero (+8) azken bost hiruhilekoetan hartutako suspertze-bidean, hain zuzen ere.

Estatistika Datoen Zerrenda Osoa.