Txostena
EPIGRAFE NAGUSIEN LABURPENA
Hego Euskal Herriko Aurrezki Kutxen jarduketa aldagai makroekonomikoek, oro har, jasandako beherazko portaera horren barruan sar daiteke. 2009an erakunde kideen multzoak zergen aurretik sortutako irabazia 576 milioi eurokoa izan da, hau da aurreko ekitaldikoa baino % 9,2 txikiagoa, baina Aurrezki Kutxen sektoreak jasan dituen uzkurketa horietatik nahiko urrun, hala ere.
Hego Euskal Herriko Aurrezki Kutxen Balantze Totalak 78.396 milioi euroko guztizkoa osatzen du 2009an, eta % 1,9 egin du gora aurreko ekitaldiari begira.
Hartzekodunen baliabideek 2.022 milioi euroko murrizketa izan dute (-% 3,4), 57.803 milioi euro osatuz guztira, eta horrek balantzearen % 74 esan nahi du.
Era berean, Administratutako Baliabide Komertzialei dagokienez, eta hor sartzen dira Hartzekodunen baliabideak nahiz balantzean sartu gabe geratu diren bezeroetatik erakarritako baliabideak, Inbertsio Kolektiboko Erakundeekin eta Borondatezko Gizarte Aurreikuspeneko Erakundeekin egindako eragiketei dagozkienak, % 3,7ko igoera izan dute, hau da aurreko ekitaldian baino 2.279 milioi euro gehiago, 63.410 milioi euro osatzeraino guztira.
| EAEko AURREZKI-KUTXAK (balio absolutuak) | ||
|---|---|---|
| Kontzeptua | 2008 | 2009 |
| Baliabide Propioak | 5.844 | 6.109 |
| Hartzekodunak | 46.212 | 44.571 |
| Kreditu Inbertsioa | 43.362 | 44.092 |
| Gizarte Ekintzako Funtsa | 271 | 328 |
| Balantze Totala | 58.156 | 59.012 |
| Irabazia zergen aurretik | 484 | 440 |
| Bulego-kopurua | 891 | 883 |
| Enplegatu-kopurua | 6.078 | 5.642 |
| HEGO EUSKAL HERRIKO FEDERAZIOAREN AURREZKI-KUTXAK (balio absolutuak) | ||
|---|---|---|
| Kontzeptua | 2008 | 2009 |
| Baliabide Propioak | 6.977 | 7.319 |
| Hartzekodunak | 59.826 | 57.803 |
| Kreditu Inbertsioa | 56.679 | 57.388 |
| Gizarte Ekintzako Funtsa | 286 | 343 |
| Balantze Totala | 76.904 | 78.396 |
| Irabazia zergen aurretik | 634 | 576 |
| Bulego-kopurua | 1.270 | 1.219 |
| Enplegatu-kopurua | 8.050 | 7.536 |
Federazioko Aurrezki Kutxek, egoera ekonomikoak bizi dituen une zail eta latz hauetan, tinko eutsi diote eragile ekonomiko eta sozialekin hartua duten konpromisoari, inbertsio produktiboak egiteko, etxebizitza nahiz kontsumoaren arloko premiak eta oro har eragile horien beharrak asetzera bideratutako jarduerak finantzatzeko baliabideak eskainiz. Zentzu horretan, kreditu-inbertsioak 57.388 milioi euroko saldoa izan du, hau da 2008an baino 709 milioi euro gehiago, eta horrek % 1,3ko hazkundea esan nahi du. Ondasun-bermea duten eragiketek % 2,2 egin dute gora. Era berean, gure erakundeen balantzean dauden zalantzazko aktiboak ere % 43,2an igo dira, 1.618 milioi eurotaraino iritsiz.
Eta Hego Euskal Herriko Aurrezki Kutxen balore-zorroari dagokionez, 12.452 milioi eurotaraino iristen zen horren balioa 2009ko itxieran, eta horrek % 1,4ko igoera esan nahi du aurreko urtearekin alderatuz gero.
