Txostena
BABESLETZAK
Eusko Entziklopedia
Eusko Ikaskuntzak bultzatutako proiektua da, Eusko Jaurlaritzaren eta euskal Aurrezki Kutxen laguntza ekonomikoa jasotzen duena. Interneten eskura dagoen Auñamendi-ren datu-base digitalizatutik abiatuz, beste datu-base propioak (argitaletxearen ondarea bera, Euskonews aldizkaria, multimedia galeria,etab.) eta beste erakunde batzuetakoak ere (Aranzadi, Eresbil,...) integratzea da egitasmo honen helburua, euskal kulturari buruzko funts digitalizatuen edukiak aberastearren.
2009. urtean zehar amaitu dira digitalizazio-lanak, eduki elebidunak gehituz, funts eleanitzak aberasteko asmoz betiere. Bere bertsio berrian lehendik jadanik eskura zeuden 150.000 sarrera eta 165 milioi karaktereei 11,5 milioi karaktere berri baino gehiago erantsi zaizkie.
Proiektu plural eta integratzaile honek ezagutza-eremu anitz hartzen ditu bere baitan, eta erabat irekia dago hezkuntza eta zientzia-mailako komunitate osoarentzat, erabiltzaile propioez gain noski.
Euskal Herriko Orkestra Gaztea
Euskal Aurrezki Kutxek bere sorreratik bertatik (1996. urtetik, alegia) lagundu eta babesten dute euskal musikari gazteen prestakuntza eta trebakuntza orkestrala lantzeko bideratua dagoen Gazte Orkestra (EGO).
Epealdi horretan egitura sendoa sortzea lortu da, hainbat musika-tresna jotzen dituzten gazteen garapen artistikoa eta gizatiarra sustatu eta mundu profesionalerako sarreran zubi gisa jokatu ahal izateko. Orkestra sortu zenetik 600dik gora izan dira bertan parte hartu duten musikariak.
2009an musika-jotzaile berriak sartu dira orkestran, udaberrian egiten diren entzunaldi-saioen bitartez, ohizkoa denez eta aurten 200 hautagai baino gehiago aurkeztu ziren saioetara.
Uda parteko topaketaren berrikuntza nagusietako bat Eskoziako Aberdeen International Youth Festival jaialdian parte hartzea izan zen. 30.000 pertsona baino gehiagok esku hartzen duten jaialdi/lehiaketa horren helburua arte-munduko izar gazteak bultzatzea da, hasiberriak diren promesak nazioarte mailan ezagutzera emateaz gain. Neguko kontzentrazio-garaian zinemako musika-errepertorioa landu zen, J. Williams eta Howard Shore autoreen obrekin, eta hainbat kontzertu eman ziren Gasteizko Principal antzokian, Bilboko Euskalduna jauregian eta Donostiako Kursaalen.
Ekopass elkartea
Euskal Aurrezki kutxek, hirugarren urtez jarraian neurtu dituzte garraioaren, elektrizitate-kontsumoaren eta beste erregai batzuen kontsumoareni inguruan eguneroko jarduerek sortzen dituzten CO2 isurpenak, aldaketa klimatikoaren kontrako borrokarako Ekopass elkartearekin sinatutako akordioaren barruan. Konpromiso hori Aurrezki Kutxek beren fundaziotik hasita aurrera daramaten Enpresako Gizarte Erantzukizunaren barruan sartzen da, hain zuzen ere.
Perspektiba enpresarialak - Eusko Ganberak
Euskal Aurrezki Kutxek lankidetza estuan dihardute Eusko Ganberak, Euskal Herriko Merkataritza Ganberekin Europar Batasunan duela 10 urte baino gehiago eskualde mailan urtero egiten den inkestan. Ikerketa-lagin honetan 26 herrialdetako 95 eskualderi dagozkien 69.000 enpresa baino gehiagok hartzen dute parte eta 1.000 enpresatik gora ari dira Euskadiren ordezkaritzan.
Lan honi esker euskal enpresek ezin hobeto jakin dezakete zein egoeratan dauden kokatuak hainbat negozio-aldagairi dagokionez Europar Batasunaren barruan. Aurrekoaz gain, bizi dugun ekonomia gero eta globalizatuagoaren baitan, lehiakortasunari dagokionez posizio egokian daudelako erreferentzia-puntu egokia diren Europako zenbait eskualderen eta Euskadiren arteko konparaziozko azterketa ere ematen du txostenak.
